ADVENTO NO COLE
Atopámonos no Portal. Xesús é a Luz
Axiña celebraremos o Nadal. Mentres non chegan eses días tan esperados, preparámonos para facelo do mellor xeito posible.
Na oración destes días coñeceremos o sentido do Advento e as novidades na liturxia durante este tempo (a coroa, as catro velas, a cor morada …). Tamén buscaremos que cousas temos que mellorar en nós mesmos e na nosa relación cos demais. A figura de María como exemplo de esperanza e confianza na chegada de Xesús.
Levaremos a cabo as campañas de recollida de alimentos e xoguetes saboreando o valor da xenerosidade coas persoas necesitadas que viven preto de nós. O verdadeiro Nadal é moito máis que as compras, as luces, os agasallos…
Percatarémonos de que diariamente damos e recibimos xestos de que Deus chega sempre ás nosas vidas: axudándonos, acompañándonos, sendo solidarios, agradecidos …
Ademáis, nestes días, preparamos a celebración de Nadal e a Eucaristía, na que participará toda a Comunidade Educativa e na que dende aquí vos convidamos a asistir.
