EXCURSIÓN PRIMARIA

Onte, xoves día quince de xuño, un soleado día de primavera os alumnos e alumnas de primaria realizaron a excursión de fin de curso.

Eran as nove da mañá cando se reunían na Alameda para distribuírse en autobuses rumbo a Meis, concretamente a Armenteira, onde fixeron sendeirismo pola coñecida “Ruta da auga”.

Foron aproximadamente sete quilómetros os que percorreron, por fermosos carreiros, esquivando raíces, pedras, árbores, todo unha aventura…uns campións estes cativos!

A seguinte parada foi na praza do Concello de Poio, a beiriña do Monasterio onde contaron con unha gran sombra así como tranquilidade para a merecida comida.

De seguido, dispuxeron todo para a esperada visita a unha das praias de Combarro, unha vez alí, desfrutaron de un agradable baño.

Non se esqueceron de convidar a Ronan, o auxiliar de conversar que estivo no colexio durante este curso, que encantado aceptou a invitación. Foi un pracer compañeiro, que che vaia bonito!