ENTROIDO 2020

Un ano máis, os alumnos e alumnas da Ludoteca, E. infantil e Primaria do noso Centro participaron no tradicional desfile de carnaval que enche as rúas da nosa localidade dos máis orixinais disfraces, feitos por eles mesmos e polos seus profesores. 

Nesta ocasión, a temática escollida foi a do material escolar e, para demostrar o noso compromiso co medio ambiente, decidimos prescindir do plástico e todo o que deseñamos foi elaborado con caixas de cartón que diferentes supermercados da zona nos cederon amablemente. 

Gomas de borrar, lapis, afialapis, rotuladores, pinceis, cadernos, tesoiras e calculadoras, todos eles bailando animadamente, percorreron A Guarda xunto cos rapaces e rapazas dos outros centros participantes. Un forte aplauso para todos!!