DIARIO DE BITÁCORA
- Publicado por admin
- POSTO EN Ed. Primaria
DIARIO DE BITÁCORA
Ruta: curso 2020-2021
Inicio da ruta: 11 setembro.
Semana : 8
Situación: Atravesando unha pandemia.
Menos mal que, a pesar da máscara, os nosos ollos sorrín por nós…
Menos mal que puidemos regresar ao colexio, que tanto o botamos en falta dende o pasado mes de marzo.
Menos mal, que a pesar das molestias, somos quen de estar coa máscara toda a mañá.
Menos mal que, aínda que non poidamos xuntarnos nin darnos bicos e apertas, podemos mirarnos e falar de lonxe.
Menos mal que facemos as cousas pensando tamén nos demais. Os nosos actos teñen, hoxe máis ca nunca, repercusións nos outros e ata no mundo.
Estamos aprendendo a cumprir unha morea de novas normas, a reinventar xogos, a estrear conversas, a valorar os pequenos momentos de liberdade, a ilusionarnos coa idea de que todo isto pasará, a comportarnos con moita responsabilidade coma se fósemos maiores…e aínda somos nenos e nenas.
Estamos a dar exemplo de bo facer, de sacar de todo isto unha gran aprendizaxe que nos axudará a medrar coma persoas.
Menos mal que, a pesar da máscara, os nosos ollos sorrín por nós; e menos mal que, a pesar da distancia, o cariño medra.
Navegantes 4º Primaria