OS NOSOS DEREITOS
- Publicado por admin
- POSTO EN Ed. Primaria
Estes días estivemos a traballar nos Dereitos infantís.
A clase de 2º de Primaria foi a encargada de darlle forma a estes dereitos para expoñelo na entrada do colexio. Damos as grazas as nosas familias pola colaboración.
O noso obxectivo : Promover no alumnado o recoñecemento de si mesmos e dos demais como persoas con dignidade: con dereitos e responsabilidades.
- Desenrolarse ata o máximo das súas posibilidades.
- Formarse coma cidadáns preocupados polo cumprimento dos dereitos humanos en todo o mundo.
- Rexeitar calquera forma de discriminación por razón de cultura, relixión, orixe, idioma, sexo ou de calquera outra índole.
- Buscar protección en casos de maltrato, humillacións ou abusos .
- Promover unha contorna que fomente a igualdade, a saúde e a convivencia pacífica.
- Promover que os nenos e as nenas gocen activamente da liberdade de información, expresión e participación.
- Promover o dereito da infancia a gozar do xogo e ás actividades recreativas propias da súa idade, así como a participar na vida cultural, as artes e o medio.
É labor de educadores, familias e da comunidade escolar no seu conxunto, guiar e orientar a nenos, nenas e adolescentes no exercicio dos seus dereitos e responsabilidades e velar, en todo momento, polo interese do menor.