«SEGUROS POLA RÚA»

“Seguros pola rúa” é o título do proxecto que estamos levando a cabo ao longo do segundo trimestre, os nenos e nenas de sexto de primaria.

Agora que xa imos medrando, e saímos á rúa,   sós ou montados en bicicleta, non está demais que coñezcamos as principais normas de educación vial para peóns, ciclistas ou viaxeiros e poder circular así máis seguros polas rúas.

Con este proxecto aprendemos os principais sinais de tráfico, os comportamentos correctos para peóns, ciclistas e viaxeiros , a linguaxe dos gardas de tráfico…

Tamén realizamos unha visita a autoescola Miño, onde Laura e Ramiro, os seus propietarios, nos recibiron e atenderon moi amablemente.

Ramiro impartiunos unha clase teórica onde reforzamos os contidos que anteriormente traballáramos na clase e aprendemos outros novos.

Agora xa somos un pouco máis conscientes dos perigos e do importante que é coñecer e respetar as normas de educación vial para evitar riscos que poñan en perigo as nosas vidas.

Ao rematar Laura tíñanos preparada unha estupenda merenda e uns fermosos agasallos para todos.

Damos as grazas aos propietarios da autoescola Miño pola súa  atención e colaboración.