CHARLA PARA FAMILIAS

O pasado sábado 31 de xaneiro, os pais e nais do colexio tiveron a oportunidade de disfrutar da charla impartida polo psicólogo Esteban Figueirido Woodford, orientada a informar as familias sobre como tratar o problema das adiccións, ben no ámbito das drogas, ben no das redes sociais.

A conferencia enmárcase nun programa proposto polo Concello, en colaboración coa Asociación Érguete Baixo Miño, que se está a  levar a cabo en todos os centros educativos do municipio que contan con  Educación Secundaria, e que xa comezou no primeiro trimestre con varias sesións impartidas  para os alumnos de 1º de ESO.

A xornada resultou moi interesante e instrutiva, e despois da charla, os pais e nais que así o desexaron puideron plantexar as súas dúbidas ou reflexións.